امام الانبیا تم ہو رسول مجتبی تم ہو
Imam Alanbia Tum Ho Rasool Mjtbi Tum Ho
امام الانبیا تم ہو، رسولِ مجتبیٰﷺ تم ہو
جو سب کے پیشوا ہیں اُن کے آقا ﷺ ، پیشوا تم ہو
حقیقت آپ کی سمجھیں تو کیا سمجھیں خِرد والے
خدا والے یہ کہتے ہیں خدا جانے کہ کیا تم ہو
تمہاری واقعی توصیف ہم سے غیر ممکن ہے
کہ ہم جو کچھ کہیں اُس سے حقیقت میں سوا تم ہو
خدا دیتا ہے تم تقسیم کرتے ہو زمانے کو
میانِ خالق و مخلوق محکم واسطہ تم ہو
مجھے پرواہ نہیں موجیں اُٹھیں طوفان آجائیں
شکستہ ہے اگر کشتی تو غم کیا، نا خدا تم(ﷺ) ہو
وہ کعبہ ہے جہاں سر جھک رہے ہیں ا ہلِ عالم کے
مگر کعبہ بھی جس کے سامنے خم ہو گیا، تم ہو
دلِ تحسینؔ سے غم کی گھٹائیں چھٹ گئیں آقا ﷺ
سنا ہے جب سے اُس نے شا فعِ روزِ جزا تم ہو
Imam alanbia tum ho Rasool-e mjtbi tum ho
Jo Sab ke Peshwa hain an ke aqa Peshwa tum ho
Haqiqat Aap ki smjhin to kiya smjhin khrd oaley
Khuda oaley yeh kehte hain Khuda jaane ke kiya tum ho
Tumhari vaqii tosif Hum se Ghair Mumkin hai
Ke Hum jo Kuch kahein as se haqiqat mein soa tum ho
Khuda deta hai tum Taqseem karte ho Zamane ko
Mian-e khaliq-o-mkhloq mhkm vasita tum ho
Mujhe proah nahin Maujain athin toofan aajaein
Shksth hai Agar Kashti to gham kia Na Khuda tm ho
Woh Kaaba hai jahan sar jhuk rhey hain a hal-e alam ke
Magar Kaaba bhi Jis ke saamne khm ho gia tum ho
Dil-e thsin se gham ki ghtaئin chhat gayeen aqa
Suna hai jab se as Ne sha fa-e roz-e jza tum ho
نامعلوم / روایتی کلام
وہ لازوال اور مقبولِ عام نعتیں اور سلام جن کے تخلیق کار تاریخ میں نامعلوم ہیں یا جو روایتی ثنا خوانی کا حصہ ہیں۔