ہڑتال

Doctor chhutti par thay aur nurse ki hartal thi

Main paida jab hua us roz bhi hartal thi

Hum ghareebon ko chhutti ka doodh yaad aane laga

Us maheene mein kam az kam yeh chhutti hartal thi

Markaz seenay ka hota operation kis tarah

Aaj soobai nahi thi, markazi hartal thi

Kal kisi fashion-zada ka laal rukhsat ho gaya

Mamta ka qaht tha aur doodh ki hartal thi

Kuch dukanain jal gayeen, kuch raah-row maaray gaye

Ab yaqeen aaya hai mujh ko waqai hartal thi

Yeh watan hartaliyo! khush-haal hona chahiye

Aik din hartal ki hartal hona chahiye