فلک کے نظارو زمیں کی بہارو سب عیدیں مناؤ حضورؐ آ گئے ہیں

Falak ke Nzaro Zameen ki Baharo Sab Aidin Mnao Huẓur Aa Gaye Hain

محمد علی ظہوری عہدِ جدید

فونٹ سائز:

100%

پس منظر:

فلک کے نظارو زمیں کی بہارو سب عیدیں مناؤ حضورؐ آ گئے ہیں

اُٹھو غم کے مارو چلو بے سہارو خبر یہ سناؤ حضورؐ آ گئے ہیں

انوکھا نرالہ وہ ذیشان آیا وہ سارے رسولوں کا سلطان آیا

ارے کج کلاہو! ارے بادشاہو نگاہیں جھکاؤ حضورؐ آ گئے ہیں

ہوا چار سو رحمتوں کا بسیرا، اجالا اجالا سویرا سویرا

حلیمہ کو پہنچی خبر آمنہ کی مرے گھر میں آؤ حضورؐ آ گئے ہیں

ہواؤں میں جذبات ہیں مرحبا کے فضاؤں میں نغمات صلِ علیٰ کے

درودوں کے گجرے سلاموں کے تحفے زباں پر سجاؤ حضورؐ آ گئے ہیں

سماں ہے ثنائے حبیبِ خدا کا یہ میلاد ہے سرورِ انبیاء کا

نبیؐ کے گداؤ سب اک دوسرے کو گلے سے لگاؤ حضورؐ آ گئے ہیں

کہاں میں ظہوریؔ کہاں اُن کی باتیں کرم ہی کرم ہیں یہ دن اور راتیں

جہاں پر بھی جاؤ دلوں کو جگاؤ یہی کہتے جاؤ حضورؐ آ گئے ہیں

Falak ke nzaro Zameen ki Baharo Sab aidin mnao huẓur aa gaye hain

Atho gham ke maro chalo be sharo khabar yeh snaؤ huẓur aa gaye hain

Anokha nralh woh zishan aaya woh Sare Rasulon ka Sultan aaya

Arey kaj klaho arey badshaho Nigahein jhkaؤ huẓur aa gaye hain

Hua Chaar Sau rhmton ka bsira Ujala Ujala savera savera

Hlimh ko Pahunchi khabar amina ki mare ghar mein aao huẓur aa gaye hain

Hawaon mein jzbat hain mrhba ke fzaؤn mein naġmat sl-e ali ke

Duroodon ke Gajray slamon ke thfey Zaban par sjao huẓur aa gaye hain

Samã hai snaee Habeeb-e Khuda ka yeh milad hai suroor-e ambiya ka

Nabi ke gdao Sab Ik dosrey ko Gale se lgaؤ huẓur aa gaye hain

Kahan mein zhori kahan an ki Batein Karam hi Karam hain yeh Din aur Raatein

Jahan par bhi jaao Dilon ko jgaؤ ihi kehte jaao huẓur aa gaye hain

نعت

Comment

تعارفِ شاعر

محمد علی ظہوری

🏛️ عہدِ جدید ⏳ 1932ء — 2005ء 📍 لاہور، پاکستان

(1932–2005) ایک مشہور پاکستانی صوفی شاعر اور نعت خواں تھے جو اردو اور پنجابی میں اپنی عقیدت مندانہ شاعری کے لیے منائے جاتے تھے۔ ان کی نعتیں پورے جنوبی ایشیا میں بڑے پیمانے پر سنی...