اذان

Azan

The Prayer-Call

Ek Raat Sitaron Se Kaha Najam-e-Sehar Ne

Adam Ko Bhi Dekha Hai Kisi Ne Kabhi Baidar

Kehne Laga Mareekh, Ada Feham Hai Taqdeer

Hai Nind Hi Iss Chotte Se Fitne Ko Sazawar

Zahra Ne Kaha, Aur Koi Baat Nahin Kya?

Iss Karmak-e-Shab-e-Kaur Se Kya Hum Ko Sarokar

Bola Meh-e-Kamil Ke Woh Koukab Hai Zameeni

Tum Shab Ko Namoodar Ho, Woh Din Ko Namoodar

Waqif Ho Agar Lazzat-e-Baidari Shab Se

Unchi Hai Surayya Se Bhi Ye Khak-e-Pur-Asrar

Aghosh Mein Iss Ki Woh Tajali Hai Ke Jis Mein

Kho Jaen Ge Aflak Ke Sub Sabit-o-Sayyar

Na-Gah Faza Bang-e-Azan Se Huwi Lab-Raiz

Woh Naara Ke Hil Jata Hai Jis Se Dil-e-Kuhsar