اے دینِ حق کے رہبر تم پر سلام ہردم
Aey Din-e Haq ke Rahbar Tum par Salam Har Dam
اے دینِ حق کے رہبر تم پر سلام ہردم
میرے شفیعِ محشر تم پر سلام ہر دم۔۔۔!!!
اِس بے کس و حزیں پر جو کچھ گزر رہی ہے
ظاہر ہے سب وہ تم پر ، تم پر سلام ہر دم۔۔۔!!!
دُنیا و آخرت میں جب میں رہوں سلامت
پیارے پڑھوں نہ کیوں کر تم پر سلام ہر دم۔۔۔!!!
دِل تفتگانِ فرقت پیاسے ہیں مدتوں سے
ہم کو بھی جامِ کوثر تم پر سلام ہر دم۔۔۔!!!
بندہ تمہارے دَر کا آفت میں مبتلا ہے
رحم اے حبیبِ دَاور تم پر سلام ہر دم۔۔۔!!!
بے وارثوں کے وارث بے والیوں کے والی
تسکینِ جانِ مضطر تم پر سلام ہر دم۔۔۔!!!
للہ اب ہماری فریاد کو پہنچئے
بے حد ہے حال اَبتر تم پر سلام ہر دم۔۔۔!!!
جلادِ نفسِ بد سے دیجے مجھے رِہائی
اب ہے گلے پہ خنجر تم پر سلام ہر دم۔۔۔!!!
دَریوزہ گر ہوں میں بھی ادنیٰ سا اُس گلی کا
لطف و کرم ہو مجھ پر تم پر سلام ہر دم۔۔۔!!!
کوئی نہیں ہے میرا میں کس سے داد چاہوں
سلطانِ بندہ پرور تم پر سلام ہر دم۔۔۔!!!
غم کی گھٹائیں گھر کر آئی ہیں ہر طرف سے
اے مہر ذرّہ پرور تم پر سلام ہر دم۔۔۔!!!
بُلوا کے اپنے دَر پر اب مجھ کو دیجے عزت
پھرتا ہوں خوار دَر دَر تم پر سلام ہر دم۔۔۔!!!
محتاج سے تمہارے سب کرتے ہیں کنارا
بس اک تمھیں ہو یاور تم پر سلام ہر دم۔۔۔!!!
بہرِ خدا بچاؤ اِن خار ہاے غم سے
اک دل ہے لاکھ نشتر تم پر سلام ہر دم۔۔۔!!!
کوئی نہیں ہمارا ہم کس کے دَر پہ جائیں
اے بے کسوں کے یاور تم پر سلام ہر دم۔۔۔!!!
کیا خوف مجھ کو پیارے نارِ جحیم سے ہو
تم ہو شفیعِ محشر تم پر سلام ہر دم۔۔۔!!!
اپنے گداے دَر کی لیجے خبر خدارا
کیجے کرم حسؔن پر تم پر سلام ہر دم۔۔۔!!!
صَلَّی اللّهُ عَلٰی حَبِیْبِهٖ مُحَمَّــــدٍ وَّآلِـهٖ وَسَلَّمْ
Ay Deen E Haq Ke Rehbar Tum Par Salaam Har Dam
Mere Shafe’a E Mehshar, Tum Par Salaam Har Dam
Iss Be-kaso Azee Par Jo Kuch Guzar Rahi Hain
Zaahir Hai Sab Wo Tum Par Tum Par Salaam Har Dam
Banda Tumhare Darr Ka Aafat Me Mubtala Hain
Rehme Habeeb E Daawar, Tum Par Salaam Har Dam
Lillah Ab Hamari Fariyad Ko Pohachiye
Be-had Hai Haal Abtar, Tum Par Salaam Har Dam
Koyi Nahi Hai Mera, Main Kiske Daad Chahoon
Sultaan E Banda Parwar, Tum Par Salaam Har Dam
Bulwa Ke Apne Darr Par Ab Mujhko Dijiye Izzat
Phirta Hu Khwar Darr Darr, Tum Par Salaam Har Dam
Mohtaaj Se Tumhare Karte Hain Sab Kinara
Bas Ik Tumhi Ho Yaavar, Tum Par Salaam Har Dam
Apne Gada E Darr Ki Lijiye Khabar Khudara
Kijiye Karam HasanPar, Tum Par Salaam Har Dam
نامعلوم / روایتی کلام
وہ لازوال اور مقبولِ عام نعتیں اور سلام جن کے تخلیق کار تاریخ میں نامعلوم ہیں یا جو روایتی ثنا خوانی کا حصہ ہیں۔