ایسا کوئی محبوب نہ ہوگا، نہ کہیں ہے
Aisa Koi Mehboob na Hoga na Kahein Hai
ایسا کوئی محبوب نہ ہوگا، نہ کہیں ہے
بیٹھا ہے چٹائی پہ مگر عرش نشیں ہے
ملتا نہیں کیا کیا دو جہاں کو ترے در سے
اک لفظ نہیں ہے کہ ترے لب پہ نہیں ہے
ہیں تیرے ہوا خواہوں میں مرسل بھی، نبی بھی
کونین ترے زیرِ اثر، زیرِ نگیں ہے
تو چاہے تو ہر شب ہو مثالِ شبِ اسریٰ
تیرے لیے دو چار قدم عرشِ بریں ہے
ہر اک کو میسر کہاں اُس در کی غلامی
اُس در کا تو دربان بھی جبریل امیں ہے
رُکتے ہیں یہیں آ کے قدم اہلِ نظر کے
اس کوچے سے آگے نہ زماں ہے، نہ زمیں ہے
اے شاہِ زمن! اب تو زیارت کا شرف دے
بے چین ہیں آنکھیں مری، بے تاب جبیں ہے
دل گریہ کناں اور نظر سوئے مدینہ
اعظم ترا اندازِ طلب کتنا حسیں ہے
Aisa Koi Mehboob na hoga na kahein hai
Bitha hai chtaئi pe magar ʻarsh nshin hai
Milta nahin kiya kiya do jahan ko trey Dar se
Ik Lafz nahin hai ke trey lab pe nahin hai
Hain Tere hua khoahon mein mrsl bhi Nabi bhi
Konin trey zir-e asr zir-e ngin hai
To chahe to Har shab ho Misaal-e shab-e asri
Tere liye do Chaar Qadam ʻarsh-e brin hai
Har Ik ko misr kahan as Dar ki ghlami
As Dar ka to drban bhi jbril amin hai
Rkte hain Yahin aa ke Qadam ahl-e Nazar ke
Is kochey se aage na zman he na Zameen hai
Aey Shah-e zmn ab to ziyarat ka shrf de
Be chain hain Aankhein mri be tab jbin hai
Dil grih knan aur Nazar soئey Madina
Azam tra andaz-e Talab kitna Haseen hai
اعظم چشتی
معروف نعت گو شاعر و نعت خواں اعظم چشتی، جنہوں نے اردو و پنجابی نعت میں گراں قدر کلام تخلیق کیا۔