سعودی عرب: ڈرون حملے سے متاثرہ تیل کی پائپ لائن بحال

تجارتی ذرائع اور جہازوں کی نقل و حرکت کے اعداد و شمار کے مطابق سعودی عرب نے مشرقی-مغربی پائپ لائن دوبارہ فعال کرنے کے بعد بحیرہ احمر کی بندرگاہ ینبع سے تیل کی ترسیل دوبارہ شروع کردی ہے، جس سے مشرق وسطیٰ سے تیل کی برآمدات کے امکانات بہتر ہوئے ہیں۔

سعودی عرب نے 11 ستمبر کو ڈرون حملوں کے بعد یہ پائپ لائن بند کر دی تھی، جس سے ینبع سے خام تیل کی برآمدات رک گئی تھیں۔ ان حملوں کا الزام مملکت نے عراقی ملیشیاؤں پر عائد کیا تھا۔

پائپ لائن کا آپریشن گذشتہ منگل کو دوبارہ شروع کردیا گیا تھا۔

ایک ایشیائی ریفائننگ سورس نے بتایا کہ سرکاری تیل کمپنی سعودی آرامکو نے پیر کی شام صارفین کو ینبع سے اکتوبر میں تیل کی ترسیل کا شیڈول فراہم کیا۔ ریفائنری نے گذشتہ ہفتے کے اختتام پر ینبع سے ایک کھیپ روانہ کی تھی۔

سعودی آرامکو نے تبصرے کے لیے بھیجی گئی روئٹرز کی درخواست کا فوری طور پر جواب نہیں دیا۔