خود فریبی ہی سہی ، یوں دل کو بہلاتا ہوں میں
Khud Farebi hi Sahi, Yun Dil ko Behlata Hoon Main
خود فریبی ہی سہی ، یوں دل کو بہلاتا ہوں میں
قصۂ غم کون سنتا ہے ، کسے سناتا ہوں میں
جب بھی تنہائی کے سناٹوں سے گھبراتا ہوں میں
بس تمہاری بزم میں اُٹھ کر چلا آتا ہوں میں
دولت کونین سے دل کو غنی پاتا ہوں میں
اُن کا صدقہ مل رہا ہے ، جن کا کہلاتا ہوں میں
مجھ کو تو مضبوط اک عہد وفا درکار ہے
آپ سمجھے ریت کی دیوار چنواتا ہوں میں
باتوں باتوں میں گزر جاتی ہے غم کی رات یوں
مجھ کو سمجھاتا ہے دل ، تو دل کو سمجھاتا ہوں میں
فکر تو یہ ہے کہ آپ اس شوق میں رُسوا نہ ہوں
مجھ پر آپ فرماتے ہیں ، شرماتا ہوں میں
حضرت واعظ کا مجھ جیسے سے مشکل ہے نباہ
ایسے ویسے بے تکے لوگوں سے کتراتا ہوں میں
یہ تو وہ جانے کہ جس کے دل یہ بیتی ہو کبھی
آپ برہم ہیں ، تو محفل سے چلا جاتا ہوں میں
یہ کسی کی زُلفِ شبگوں کا تصرف ہے نصیر
جب کہیں جاتا ہوں محفل میں، تو چھا جاتا ہوں میں
Khud farebi hi sahi, yun dil ko behlata hoon main
Qissa-e-gham kaun sunta hai, kisay sunata hoon main
Jab bhi tanhai ke sannaton se ghabrata hoon main
Bas tumhari bazm mein uth kar chala aata hoon main
Daulat-e-kaunain se dil ko ghani pata hoon main
Un ka sadqa mil raha hai, jin ka kehlata hoon main
Mujh ko to mazboot ik ehd-e-wafa darkaar hai
Aap samjhay rait ki deewar chinwata hoon main
Baaton baaton mein guzar jati hai gham ki raat yun
Mujh ko samjhata hai dil, to dil ko samjhata hoon main
Fikr to yeh hai ke aap is shauq mein ruswa na hon
Mujh par aap farmatay hain, sharmata hoon main
Hazrat waaiz ka mujh jaisay se mushkil hai nibaah
Aisay waisay be-takay logon se katrata hoon main
Yeh to woh jaane ke jis ke dil yeh beeti ho kabhi
Aap barham hain, to mehfil se chala jata hoon main
Yeh kisi ki zulf-e-shabgoon ka tasarruf hai Naseer
Jab kahin jata hoon mehfil mein, to chha jata hoon main
پیر نصیر الدین نصیر گیلانیؒ
سید پیر نصیر الدین نصیر گیلانیؒ (14 نومبر 1949ء – 13 فروری 2009ء، گولڑہ شریف، اسلام آباد) خانقاہِ عالیہ گولڑہ شریف کے سجادہ نشین، عظیم صوفی بزرگ، محقق اور قادر الکلام شاعر تھے۔ وہ حضرت...