دل میں ہلچل ہے بیا، جان بن آئی ہے
Dil mein Hulchul Hai Biya, Jaan Ban Aayi Hai
دل میں ہلچل ہے بیا، جان بن آئی ہے
اک قیامت ہے کہ ظالم! تری انگڑائی ہے
اب ترے ہجر میں انجمن آرائی ہے
اک تری یاد ہے، میں ہوں، شب تنہائی ہے
وہ کسی اور کو دل دینے تیار نہیں
تیرا شیدائی تو بس، تیرا ہی شیدائی ہے
نہ کوئی حال کا پُرساں نہ شناسا رفیق
نہ مجھ کو تقدیر، یہ کس موڑ پہ لے آئی ہے؟
ہوش میں آئے، تو کچھ منہ سے کہے، کیا گزری
تیرے جلووں میں ابھی محو، تماشائی تماشائی ہے
شاخ گل خار بہ کف، داغ بہ دل ہے لالہ
دست فطرت کی یہ کیسی چمن آرائی ہے
عشق میں ایسے مقامات کئی بار آئے
دل بھی ڈوبا ہے مرا، آنکھ بھی بھر آئی ہے
دل اُڑانے کے سب اسباب ملے ہیں اُن کو
ناز ہے، غمزہ ہے رعنائی انداز ہے
داغ دل، صورتِ خورشید سحر، ہے روشن
کتنا تابنده چراغ شب تنہائی ہے
مدتوں بعد وہ آئے ہیں گلستاں میں نصیر!
مدتوں بعد گلستاں میں بہار آئی ہے
Dil mein hulchul hai biya, jaan ban aayi hai
ik qayamat hai ke zaalim! teri angrai hai
ab tere hijr mein anjuman-aarai hai
ik teri yaad hai, main hoon, shab-e-tanhai hai
woh kisi aur ko dil dene tayyar nahi
tera shidayi to bas, tera hi shidayi hai
na koi haal ka pürsaan na shinaasa rafeeq
na mujh ko taqdeer, yeh kis morh pe lay aayi hai?
Hosh mein aaye, to kuch munh se kahay, kya guzri
tere jalwon mein abhi mahw, tamashai tamashai hai
shaakh-e-gul khaar-ba-kaf, daagh-ba-dil hai laala
dast-e-fitrat ki yeh kaisi chaman-aarai hai
ishq mein aisay maqaamaat kai baar aaye
dil bhi dooba hai mera, aankh bhi bhar aayi hai
dil urane ke sab asbaab milay hain un ko
naaz hai, ghamza hai raanai-andaaz hai
daagh-e-dil, soorat-e-khurshid-e-sahar, hai roshan
kitna tabinda chiragh-e-shab-e-tanhai hai
muddaton baad woh aaye hain gulistan mein Naseer!
muddaton baad gulistan mein bahaar aayi hai
پیر نصیر الدین نصیر گیلانیؒ
سید پیر نصیر الدین نصیر گیلانیؒ (14 نومبر 1949ء – 13 فروری 2009ء، گولڑہ شریف، اسلام آباد) خانقاہِ عالیہ گولڑہ شریف کے سجادہ نشین، عظیم صوفی بزرگ، محقق اور قادر الکلام شاعر تھے۔ وہ حضرت...