اتنا معلوم ہے!
Itnaa Maaluum Hai Apne Bistar pe Bahut Der
اپنے بستر پہ بہت دیر سے میں نیم دراز
سوچتی تھی کہ وہ اس وقت کہاں پر ہوگا
میں یہاں ہوں مگر اس کوچۂ رنگ و بو میں
روز کی طرح سے وہ آج بھی آیا ہوگا
اور جب اس نے وہاں مجھ کو نہ پایا ہوگا!؟
آپ کو علم ہے وہ آج نہیں آئی ہیں؟
میری ہر دوست سے اس نے یہی پوچھا ہوگا
کیوں نہیں آئی وہ کیا بات ہوئی ہے آخر
خود سے اس بات پہ سو بار وہ الجھا ہوگا
کل وہ آئے گی تو میں اس سے نہیں بولوں گا
آپ ہی آپ کئی بار وہ روٹھا ہوگا
وہ نہیں ہے تو بلندی کا سفر کتنا کٹھن
سیڑھیاں چڑھتے ہوئے اس نے یہ سوچا ہوگا
راہداری میں ہرے لان میں پھولوں کے قریب
اس نے ہر سمت مجھے آن کے ڈھونڈا ہوگا
نام بھولے سے جو میرا کہیں آیا ہوگا
غیر محسوس طریقے سے وہ چونکا ہوگا
ایک جملے کو کئی بار سنایا ہوگا
بات کرتے ہوئے سو بار وہ بھولا ہوگا
یہ جو لڑکی نئی آئی ہے کہیں وہ تو نہیں
اس نے ہر چہرہ یہی سوچ کے دیکھا ہوگا
جان محفل ہے مگر آج فقط میرے بغیر
ہائے کس درجہ وہی بزم میں تنہا ہوگا
کبھی سناٹوں سے وحشت جو ہوئی ہوگی اسے
اس نے بے ساختہ پھر مجھ کو پکارا ہوگا
چلتے چلتے کوئی مانوس سی آہٹ پا کر
دوستوں کو بھی کس عذر سے روکا ہوگا
یاد کر کے مجھے نم ہو گئی ہوں گی پلکیں
''آنکھ میں پڑ گیا کچھ'' کہہ کے یہ ٹالا ہوگا
اور گھبرا کے کتابوں میں جو لی ہوگی پناہ
ہر سطر میں مرا چہرہ ابھر آیا ہوگا
جب ملی ہوگی اسے میری علالت کی خبر
اس نے آہستہ سے دیوار کو تھاما ہوگا
سوچ کر یہ کہ بہل جائے پریشانی دل
یوں ہی بے وجہ کسی شخص کو روکا ہوگا!
اتفاقاً مجھے اس شام مری دوست ملی
میں نے پوچھا کہ سنو آئے تھے وہ؟ کیسے تھے؟
مجھ کو پوچھا تھا مجھے ڈھونڈا تھا چاروں جانب؟
اس نے اک لمحے کو دیکھا مجھے اور پھر ہنس دی
اس ہنسی میں تو وہ تلخی تھی کہ اس سے آگے
کیا کہا اس نے مجھے یاد نہیں ہے لیکن
اتنا معلوم ہے خوابوں کا بھرم ٹوٹ گیا!
Apne Bistar pe bahut dir se mein niyam daraz
Sochti thi ke woh Is Waqt kahan par hoga
Mein yahan hoon magar Is koch-e rang-o-Boo mein
Roz ki tara se woh aaj bhi aaya hoga
Aur jab Is Ne wahan mujh ko na paaya hoga
Aap ko ilm hai woh aaj nahin Aai hin
Meri Har Dost se Is Ne ihi pochha hoga
Kyun nahin Aai woh kiya Baat hui hai Aakhir
Khud se Is Baat pe Sau Baar woh aljha hoga
Kal woh aaye gi to mein Is se nahin bolon Ga
Aap hi Aap Kayi Baar woh Rootha hoga
Woh nahin hai to blndi ka Safar kitna kathin
Sirhian chrhtey hue Is Ne yeh Socha hoga
Rahdari mein hrey lan mein Phoolon ke qareeb
Is Ne Har smt Mujhe Aan ke dhonda hoga
Naam bholey se jo Mera kahein aaya hoga
Ghair Mehsoos triqey se woh chonka hoga
Ek jmley ko Kayi Baar snaia hoga
Baat karte hue Sau Baar woh bhola hoga
Yeh jo Ladki nayi Aai hai kahein woh to nahin
Is Ne Har Chehra ihi soch ke dekha hoga
Jaan mahfil hai magar aaj fqt Mere baġair
Haee Kis darja vahi bzm mein Tanha hoga
Kabhi snaton se ohsht jo hui hogi Ise / Use
Is Ne be sakhth phir mujh ko Pukara hoga
Chalte chalte Koi manus si aaht paa kar
Doston ko bhi Kis azr se roka hoga
Yaad kar ke Mujhe nam ho gi hoon gi Palkein
Aankh mein par gaya Kuch keh ke yeh tala hoga
Aur ghbra ke Kitabon mein jo li hogi panah
Har satr mein Mara Chehra abhr aaya hoga
Jab malli hogi Ise / Use Meri alalt ki khabar
Is Ne aahesta se Deewaar ko thama hoga
Soch kar yeh ke bhl jae prishani Dil
Yun hi be Wajah kisi Shakhs ko roka hoga
Atfaqa Mujhe Is Shaam mri Dost malli
Mein Ne pochha ke suno aaye the oh kaise the
Mujh ko pochha tha Mujhe dhonda tha Charon janb
Is Ne Ik Lamhe ko dekha Mujhe aur phir hns Di
Is Hansi mein to woh talkhi thi ke Is se aage
Kiya kaha Is Ne Mujhe Yaad nahin hai Lekin
Itna malum hai Khwabon ka bharam tot gaya
پروین شاکر
پروین شاکر (24 نومبر 1952ء – 26 دسمبر 1994ء) اردو ادب کی صفِ اول کی عظیم شاعرہ، ادیبہ اور معلمہ تھیں۔ ان کا تعلق پاکستان سے تھا۔ پروین شاکر کو نسائی احساسات اور نازک جذبوں...