مجھ سے چھپ کر مرے ارمانوں کو برباد نہ کر
Mujh se Chhup Kar Mere Armanon ko Barbad na Kar
مجھ سے چھپ کر مرے ارمانوں کو برباد نہ کر
داد خواہی کے لیے آیا ہوں بیداد نہ کر
دیکھ مٹ جائے گا ہستی سے گزر جائے گا
دل نا عاقبت اندیش انہیں یاد نہ کر
آ گیا اب تو مجھے لطف اسیری صیاد
ذبح کر ڈال مگر قید سے آزاد نہ کر
جس پہ مرتا ہوں اسے دیکھ تو لوں جی بھر کے
اتنی جلدی تو مرے قتل میں جلاد نہ کر
آپ تو ظلم لگاتار کئے جاتے ہیں
مجھ سے تاکید پہ تاکید ہے فریاد نہ کر
جلوہ دکھلا کے مرا لوٹ لیا صبر و قرار
پھر یہ کہتے ہیں کہ تو نالہ و فریاد نہ کر
آپ ہی اپنی جفاؤں پہ پشیمان ہیں وہ
ان کو محجوب زیادہ دل ناشاد نہ کر
اے صبا کوچۂ جاناں میں پڑا رہنے دے
خاک ہم خاک نشینوں کی تو برباد نہ کر
ہم تو جب سمجھیں کہ ہاں دل پہ ہے قابو بیدمؔ
وہ تجھے بھول گئے تو بھی انہیں یاد نہ کر
Mujh se chhup kar mere armanon ko barbad na kar
Dad-khwahi ke liye aaya hoon bedad na kar
Dekh mit jaye ga hasti se guzar jaye ga
Dil na aqibat-andesh unhein yaad na kar
Aa gaya ab to mujhe lutf-e-asiri-e-sayyad
Zibah kar dal magar qaid se azad na kar
Jis pe marta hoon use dekh to loon ji bhar ke
Itni jaldi to mere qatl mein jallad na kar
Aap to zulm lagatar kiye jate hain
Mujh se takeed pe takeed hai faryad na kar
Jalwa dikhla ke mera loot liya sabr-o-qarar
Phir yeh kehte hain ke tu nala-o-faryad na kar
Aap hi apni jafaon pe pasheman hain woh
Un ko mahjoob ziyada dil na-shad na kar
Ae saba koocha-e-janan mein para rehne de
Khaak hum khaak-nasheenon ki to barbad na kar
Hum to jab samjhein ke han dil pe hai qaboo Bidam
Woh tujhe bhool gaye to bhi unhein yaad na kar
بیدم شاہ وارثی
سید ضامن علی المعروف حضرت بیدمؔ شاہ وارثی (1876ء – 24 نومبر 1936ء) برصغیر پاک و ہند کے سب سے مقبول، قادر الکلام اور مسحور کن نعت گو، منقبت نگار اور صوفی شاعر مانے جاتے...