اپنے دیدار کی حسرت میں تو مجھ کو سراپا دل کر دے
Apne Deedar ki Hasrat mein to Mujh ko Sarapa Dil Kar De
اپنے دیدار کی حسرت میں تو مجھ کو سراپا دل کر دے
ہر قطرۂ دل کو قیس بنا ہر ذرے کو محمل کر دے
دنیائے حسن و عشق مری کرنا ہے تو یوں کامل کر دے
اپنے جلوے میری حیرت نظارے میں شامل کر دے
یاں طور و کلیم نہیں نہ سہی میں حاضر ہوں لے پھونک مجھے
پردے کو اٹھا دے مکھڑے سے برباد سکون دل کر دے
گر قلزم عشق ہے بے ساحل اے خضر تو بے ساحل ہی سہی
جس موج میں ڈوبے کشتئ دل اس موج کو تو ساحل کر دے
اے درد عطا کرنے والے تو درد مجھے اتنا دے دے
جو دونوں جہاں کی وسعت کو اک گوشۂ دامن دل کر دے
ہر سو سے غموں نے گھیرا ہے اب ہے تو سہارا تیرا ہے
مشکل آساں کرنے والے آسان مری مشکل کر دے
بیدمؔ اس یاد کے میں صدقے اس درد محبت کے قرباں
جو جینا بھی دشوار کرے اور مرنا بھی مشکل کر دے
Apne deedar ki hasrat mein to mujh ko sarapa dil kar de
Har qatra-e-dil ko Qais bana har zarre ko mahmil kar de
Duniya-e-husn-o-ishq meri karna hai to yun kamil kar de
Apne jalwe meri hairat-e-nazare mein shamil kar de
Yan Toor-o-Kalim nahin na sahi main hazir hoon le phoonk mujhe
Parde ko utha de mukhre se barbad sukoon-e-dil kar de
Gar qulzum-e-ishq hai be-sahil ae Khizr to be-sahil hi sahi
Jis mauj mein doobe kashti-e-dil us mauj ko to sahil kar de
Ae dard ata karne wale to dard mujhe itna de de
Jo donon jahan ki wus'at ko ek gosha-e-daman-e-dil kar de
Har su se ghamon ne ghera hai ab hai to sahara tera hai
Mushkil asan karne wale asan meri mushkil kar de
Bidam is yaad ke main sadqe is dard-e-mohabbat ke qurban
Jo jeena bhi dushwar kare aur marna bhi mushkil kar de
بیدم شاہ وارثی
سید ضامن علی المعروف حضرت بیدمؔ شاہ وارثی (1876ء – 24 نومبر 1936ء) برصغیر پاک و ہند کے سب سے مقبول، قادر الکلام اور مسحور کن نعت گو، منقبت نگار اور صوفی شاعر مانے جاتے...