موج دریا

Muztarib Rakhta Hai Mera Dil-e-Betab Mujhe

Ayn-e-Hasti Hai Tarap Soorat-e-Seemab Mujhe

Mouj Hai Naam Mera, Behar Hai Payab Mujhe

Ho Na Zanjeer Kabhi Halqa-e-Gardab Mujhe

Aab Mein Misl-e-Hawa Jata Hai Tousan Mera

Khar-e-Mahi Se Na Atka Kabhi Daman Mera

Main Uchalti Hun Kabhi Jazb-e-Mah-e-Kamil Se

Josh Mein Sar Ko Patakti Hun Kabhi Sahil Se

Hun Woh Rahru Ke Mohabbat Hai Mujhe Manzil Se

Kyun Tarapti Hun, Ye Puche Koi Mere Dil Se

Zehmat-e-Tangi-e-Darya Se Garezan Hun Main

Wusaat-e-Behr Ki Furqat Mein Preshan Hun Main