کراچی اسپیشل چکن دم بریانی

دیگچی میں تیل گرم کر کے پیاز سنہری براؤن کر کے آدھی پیاز گارنش کے لیے نکال لیں۔

باقی پیاز میں ادرک لہسن اور چکن ڈال کر 5 منٹ تک درمیانی آنچ پر اچھی طرح بھونیں جب تک چکن کا رنگ تبدیل نہ ہو جائے۔

اب ٹماٹر، دہی، آلو، نمک، لال مرچ، ہلدی، دھنیا اور بریانی مصالحہ ڈال کر مکس کریں اور ہلکی آنچ پر 15 منٹ ڈھک کر پکائیں تاکہ چکن اور آلو گل جائیں۔

الگ برتن میں 2 لیٹر پانی میں ثابت گرم مصالحہ، نمک اور پودینہ ڈال کر ابالیں، پھر بھیگے چاول ڈال کر 80 فیصد پکنے پر چھان لیں۔

اب چکن والے سالن پر ہرا دھنیا، پودینہ، ہری مرچیں اور تلی پیاز پھیلائیں، اوپر ابلے چاولوں کی تہہ بچھائیں۔

اوپر زردے کا رنگ اور ایک چمچ گھی چھڑکیں اور ڈھکن پر کپڑا لپیٹ کر توے پر 15 منٹ ہلکی آنچ پر دم دیں۔ گرما گرم رائتے اور سلاد کے ساتھ پیش کریں۔