وجہِ نشاطِ زندگی راحتِ جاں تم ہی تو ہو
Wajah-e Nshat-e Zindagi Rahat-e Jaan Tum hi to Ho
وجہِ نشاطِ زندگی راحتِ جاں تم ہی تو ہو
روحِ روانِ زندگی جانِ جہاں تم ہی تو ہو
تم جو نہ تھے تو کچھ نہ تھا تم جو نہ ہو تو کچھ نہ ہو
جانِ جہاں تم ہی تو ہو جانِ جناں تم ہی تو ہو
تاجِ وقارِ خاکیاں نازشِ عرش و عرشیاں
فخرِ زمین و آسماں فخرِ زماں تم ہی تو ہو
کس سے کروں بیانِ غم کون سنے فغانِ غم
پاؤں کہاں امانِ غم امن و اماں تم ہی تو ہو
روح و روانِ زندگی تاب و توانِ زندگی
امن و امانِ زندگی شاہِ شہاں تم ہی تو ہو
تم ہو چراغِ زندگی تم ہو جہاں کی روشنی
مہر و مہ و نجوم میں جلوہ کناں تم ہی تو ہو
تم سے جہانِ رنگ و بو تم ہو چمن کی آبرو
جانِ بہارِ گلستاں سروِ چماں تم ہی تو ہو
تم ہو قوامِ زندگی تم سے ہے زندگی بنی
تم سے کہے ہے زندگی روحِ رواں تم ہی تو ہو
اصلِ شجر میں ہو تم ہی نخل و ثمر میں ہو تم ہی
ان میں عیاں تم ہی تو ہو ان میں نماں تم ہی تو ہو
تم ہو نمودِ اولیں شمعِ ابد بھی ہو تم ہی
شاہِ زمن یہاں وہاں سکۂ نشاں تم ہی تو ہو
اخترؔ کی ہے مجال کیا محشر میں سب ہیں دم بخود
سب کی نظر تم ہی پہ ہے سب کی زباں تم ہی تو ہو
Wajah-e nshat-e Zindagi rahat-e Jaan tum hi to ho
Rooh-e Rawaan-e Zindagi jaan-e jahan tum hi to ho
Tum jo na the to Kuch na tha tum jo na ho to Kuch na ho
Jaan-e jahan tum hi to ho jaan-e jnan tum hi to ho
Taj-e vaqar-e khakian nazsh-e ʻarsh-o-arshian
Fakhr-e Zameen-o-Aasman fakhr-e zman tum hi to ho
Kis se karoon bayan-e gham kaun sune fghan-e gham
Paaoon kahan aman-e gham aman-o-ammã tum hi to ho
Rooh-o-Rawaan-e Zindagi tab-o-toan-e Zindagi
Aman-o-aman-e Zindagi Shah-e shhan tum hi to ho
Tum ho Charagh-e Zindagi tum ho jahan ki Roshni
Mahr-o-Mah-o-nujum mein Jalwa knan tum hi to ho
Tum se jahan-e rang-o-Boo tum ho Chaman ki aabro
Jaan-e bahaar-e glstan sro-e Chaman tum hi to ho
Tum ho qoam-e Zindagi tum se hai Zindagi bni
Tum se kahe hai Zindagi Rooh-e ravã tum hi to ho
Asal-e shajar mein ho tum hi nkhl-o-Samar mein ho tum hi
Un mein ayã tum hi to ho Un mein nman tum hi to ho
Tum ho nmod-e aolin sham-e Abad bhi ho tum hi
Shah-e zmn yahan wahan skh nshan tum hi to ho
Akhtr ki hai majaal kiya Mahshar mein Sab hain dam bkhod
Sab ki Nazar tum hi pe hai Sab ki Zaban tum hi to ho