نوید صبح

Ati Hai Mashriq Se Jab Hangama Dar Daman Sehar

Manzil-e-Hasti Se Kar Jati Hai Khamoshi Safar

Mehfil-e-Qudrat Ka Akhir Toot Jata Hai Sukoot

Deti Hai Har Cheez Apni Zindagaani Ka Saboot

Chehchate Hain Prinde Pa Ke Pegham-e-Hayat

Bandhte Hain Phool Bhi Gulshan Mein Ahram-e-Hayat

Muslim-e-Khawabidah Uth, Hangama Aara Tu Bhi Ho

Woh Chamak Utha Ufaq, Garam-e-Taqaza Tu Bhi Ho2

Wusaat-e-Alam Mein Reh Pema Ho Misl-e-Aftab

Daman-e-Gardoon Se Na-Paida Hon Ye Dagh-e-Sahaab

Khainch Kar Khanjar Kiran Ka, Phir Ho Sargarma-e-Sataiz

Phir Sikha Tareeki-e-Batil Ko Adaab-e-Guraiz

Tu Sarapa Noor Hai, Khoshtar Hai Uryani Tujhe

Aur Uryan Ho Ke Lazim Hai Khud Afshani Tujhe

Haan, Numayan Ho Ke Barq-e-Didah-e-Khafash Ho

Ae Dil-e-Kon-o-Makan Ke Raaz-e-Muzmir Faash Ho