منقبت خواجہ غریب نوازؒ (درِ خواجہ پہ سوالی کو کھڑا رہنے دو)
Manqabat Khwaja Ghareeb Noaz Dar-e Khwaja pe Sawali ko Khara Rhney Do
درِ خواجہ پہ سوالی کو کھڑا رہنے دو
سر ندامت سے جھکا ہے تو جھکا رہنے دو
مجھکو مل جائے گا صدقہ میں چلا جاؤں گا
کاسۂ دل میرا قدموں میں پڑا رہنے دو
خود ہی فرمائیں گے مجرم پہ وہ رحمت کی نظر
مجھ کو خواجہ کی عدالت میں کھڑا رہنے دو
چھوڑ کر آپ کا در اب میں کہاں جاؤں گا
اس گدا کو اسی سائے میں پڑا رہنے دو
روزِ محشر یہ گناہ گار کے کام آئے گا
وارثی رنگ چڑھا ہے تو چڑھا رہنے دو
روز کرتا ہوں دعا اپنے خواجہ سے خلیلؔ
اپنی رحمت سے جہاں میرا سجا رہنے دو
Dar-e Khwaja pe Sawali ko Khara rhney do
Sar nadamat se jhuka hai to jhuka rhney do
Mjhko mil jae Ga Sadqa mein chala jaaoon Ga
Kas-e- Dil Mera Qadmon mein para rhney do
Khud hi frmain Ge mujrim pe woh Rehmat ki Nazar
Mujh ko Khwaja ki adalaat mein Khara rhney do
Chhor kar Aap ka Dar ab mein kahan jaaoon Ga
Is Gada ko Usi / Assi sae mein para rhney do
Roz-e Mahshar yeh Gunah Gaar ke Kaam aaye Ga
Warsi rang chrha hai to chrha rhney do
Roz karta hoon Dua Apne Khwaja se khlil
Apni Rehmat se jahan Mera sja rhney do
خلیل وارثی
خلیل وارثی معروف نعت و منقبت گو شاعر ہیں۔