جس کو دیکھا یار تیرا عاشق نا دیدہ ہے
Jis ko Dekha Yaar Tera Aashiq Na-Deeda Hai
جس کو دیکھا یار تیرا عاشق نا دیدہ ہے
مجھ پہ کیا موقوف اک عالم ترا گرویدہ ہے
مبتلا ہے دل تو جان ناتواں گرویدہ ہے
دیدۂ دیدار جو تیرے لئے نم دیدہ ہے
اپنی ہستی کی خبر لے مردم دیدہ نہ بن
دوسروں کو دیکھتا ہے آپ سے نا دیدہ ہے
دل ہے کیا وہ دل کہ جس دل میں نہ ہو الفت تری
وہ بھی کیا دیدہ جو تیری دید سے نا دیدہ ہے
بے حجابی یہ کہ ہراہل ذرہ میں ہے جلوہ گری
پھر حجاب ایسا کہ اپنے آپ سے پوشیدہ ہے
عاشق ناکام جلوہ میں بھی ہے حرماں نصیب
جس کو دیدہ سمجھا ہے اے دل وہی نا دیدہ ہے
منتظر ہے آپ کے جلوے کی نرگس باغ میں
گل گریباں چاک شبنم اک طرف نم دیدہ ہے
روح سے ہر دم یہ رہتا ہے تقاضائے رسول
اب اتارو یہ قبائے عنصری بوسیدہ ہے
دیکھ کر مجھ کو پشیماں ہنس کے رحمت نے کہا
کون سا وہ جرم ہے بیدمؔ جو نا بخشیدہ ہے
Jis ko dekha yaar tera aashiq na-deeda hai
Mujh pe kya mauqoof ek aalam tera graweeda hai
Mubtila hai dil to jaan-e-natuwan graweeda hai
Deeda-e-deedar jo tere liye nam-deeda hai
Apni hasti ki khabar le mardum-e-deeda na ban
Dusron ko dekhta hai aap se na-deeda hai
Dil hai kya woh dil ke jis dil mein na ho ulfat teri
Woh bhi kya deeda jo teri deed se na-deeda hai
Be-hijabi yeh ke har zarre mein hai jalwa-gari
Phir hijab aisa ke apne aap se poshida hai
Aashiq na-kaam jalwa mein bhi hai hirman-naseeb
Jis ko deeda samjha hai ae dil wohi na-deeda hai
Muntazir hai aap ke jalwe ki nargis bagh mein
Gul gareban chak shabnam ek taraf nam-deeda hai
Rooh se har dam yeh rehta hai taqaza-e-rasool
Ab utaro yeh qaba-e-unsuri bosida hai
Dekh kar mujh ko pasheman hans ke rehmat ne kaha
Kaun sa woh jurm hai Bidam jo na-bakhshida hai
بیدم شاہ وارثی
سید ضامن علی المعروف حضرت بیدمؔ شاہ وارثی (1876ء – 24 نومبر 1936ء) برصغیر پاک و ہند کے سب سے مقبول، قادر الکلام اور مسحور کن نعت گو، منقبت نگار اور صوفی شاعر مانے جاتے...