دشمنی ہے بر سر پیکار
Dushmani Hai Bar-Sar-e-Pekaar Rehna Chahiye
دشمنی ہے بر سر پیکار رہنا چاہئے
صلح پر بھی ساتھ ہی تیار رہنا چاہئے
اپنی صحت کا بھی بیگم صاحبہ کوئی علاج
آپ کو تو مستقل بیمار رہنا چاہئے
برتری بھی آپ کی ثابت ہو اور فیش بھی ہے
دیگر اہل خانہ سے بیزار رہنا چاہئے
سر بسر گھر پر تسلط بھی رہے قائم یونہی
اور ، چل دینے پہ بھی اصرار رہنا چاہئے
آپ ہی کی ہے سہولت ، اس قدر پر ہیز کیوں
ساتھ کوئی حاشیہ بردار رہنا چاہئے
خوب ہے لاہور بھی ، اور خوب تر دیپال پور
گھر میں بھی دو چار دن سرکار رہنا چاہئے
اپنی سی کوشش ہمیں بھی چاہئے کرتے رہیں
آپ کی جانب سے بھی انکار رہنا چاہئے
دیکھنا گھر میں لڑائی ہی نہ ہو جائے ظفر
شاعری کے وار سے ہشیار رہنا چاہئے
Dushmani hai bar-sar-e-pekaar rehna chahiye
Sulh par bhi saath hi tayyar rehna chahiye
Apni sehat ka bhi begum sahaba koi ilaaj
Aap ko to mustaqil beemar rehna chahiye
Bartari bhi aap ki saabit ho aur faish bhi hai
Deegar ahle-khana se bezaar rehna chahiye
Sar-basar ghar par tasallut bhi rahay qayim yunhi
Aur, chal dene pe bhi israr rehna chahiye
Aap hi ki hai sahoolat, is qadar par-hez kyun
Saath koi hashiya-bardar rehna chahiye
Khoob hai Lahore bhi, aur khoob-tar Depalpur
Ghar mein bhi do chaar din sarkaar rehna chahiye
Apni si koshish hamein bhi chahiye karte rahein
Aap ki jaanib se bhi inkaar rehna chahiye
Dekhna ghar mein larai hi na ho jaye Zafar
Shairi ke waar se hoshiyar rehna chahiye
ظفر اقبال
ظفر اقبال اردو غزل و نظم کے عظیم معمار اور نامور شاعر ہیں جن کی شاعری میں نیاپن، اجتہاد اور شگفتگی نمایاں ہے۔