دل دیاں گلاں میں سناواں کس نوں
Dil Dian Glan mein Snaoan Kis Non
دل دیاں گلاں میں سناواں کس نوں
دل والے دکھڑے وکھاواں کس نوں
تیرے بن کملی دی چھاں والیا
غماں وچ ڈب کے بلاواں کس نوں
حق دیاں رحمتاں لٹان والیا
پیش کراں جرم و خطاواں کس نوں
اکو در تیرا جتھے مل دی پناہ
تیرے بن ترلے میں پاواں کس نوں
رب نوں وی منظور تیری ای رضا
تیرے بن دل وچ وساواں کس نوں
دل تے دماغ وچ توں ای وسدا
ِلکھ لکھ چٹھیاں میں پاواں کس نوں
Dil dian glan mein snaoan Kis non
Dil oaley dkhrey okhaoan Kis non
Tere ban kamli Di chhan oalia
Ghman Vich db ke blaoan Kis non
Haq dian rhmtan ltan oalia
Pesh kran jurm-o-khtaoan Kis non
Ako Dar Tera jthey mil Di panah
Tere ban trley mein paoan Kis non
Rabb non oi manzoor Teri ai Raza
Tere ban Dil Vich osaoan Kis non
Dil tey dimaġ Vich ton ai osda
Lkh lkh chthian mein paoan Kis non
نامعلوم / روایتی کلام
وہ لازوال اور مقبولِ عام نعتیں اور سلام جن کے تخلیق کار تاریخ میں نامعلوم ہیں یا جو روایتی ثنا خوانی کا حصہ ہیں۔