میں ہرے موسموں میں جلتا رہا
Main Hare Mausamon mein Jalta Raha
میں ہرے موسموں میں جلتا رہا
خوشبوؤں سے دھواں نکلتا رہا
آگ پر ہونٹ رکھ دیے تھے کبھی
آخری سانس تک پگھلتا رہا
میں اکیلا بھی کارواں کی طرح
راستوں کے بغیر چلتا رہا
حادثے مجھ کو پیش آتے رہے
اور زمانے کا جی بہلتا رہا
میری آواز منحرف نہ ہوئی
وقت کا فیصلہ بدلتا رہا
زندگی مجھ کو قتل کرتی رہی
موت کی وادیوں میں پلتا رہا
کاروبار سخن کیا میں نے
یا مظفرؔ لہو اگلتا رہا
Main hare mausamon mein jalta raha
Khushbuon se dhuan nikalta raha
Aag par hot rakh diye the kabhi
Aakhri saans tak pighalta raha
Main akela bhi karwan ki tarah
Raston ke baghair chalta raha
Hadse mujh ko pesh aate rahe
Aur zamane ka ji behlta raha
Meri awaz munharif na hui
Waqt ka faisla badalta raha
Zindagi mujh ko qatl karti rahi
Maut ki wadiyon mein palta raha
Karobar-e-sukhan kiya main ne
Ya Muzaffar lahu uglta raha
مظفر وارثی
محمد مظفر الدین صدیقی المعروف 'مظفر وارثی' (23 دسمبر 1933ء – 28 جنوری 2011ء، میرٹھ / لاہور) اردو زبان کے عظیم ترین نعت گو، حمد نگار اور لازوال نغمہ نگار تھے۔ انہوں نے دربارِ وارثیہ...