شيکسپير

Shafaq-e-Subah Ko Darya Ka Kharaam Aaeena

Naghma-e-Shaam Ko Khamoshi-e-Shaam Aaeena

Barg-e-Gul Aaeena Ariz-e-Ziabaye Bahar

Shahid-e-Mai Ke Liye Hujla-e-Jaam Aaeena

Husn Aaeena-e-Haq Aur Dil Aaeena-e-Husn

Dil-e-Insan Ko Tera Husn-e-Kalaam Aaeena

Hai Tere Fikr-e-Falak Ras Se Kamal-e-Hasti

Kya Teri Fitrat-e-Roshan Thi Maal-e-Hasti

Tujh Ko Jab Dida-e-Deedar Talab Ne Dhoonda

Taab-e-Khursheed Mein Khursheed Ko Pinhan Dekha

Chashm-e-Alam Se To Hasti Rahi Mastoor Teri

Aur Alam Ko Teri Ankh Ne Uryan Dekha

Hifz-e-Asrar Ka Fitrat Ko Hai Souda Aesa

Raazdaan Phir Na Kare Gi Koi Paida Aesa