ایشین گیمز کا اختتام: چین 341 میڈلز کے ساتھ سرفہرست، پاکستان کا 29 واں نمبر

جاپان میں منقعدہ ایشین گیمز 2026 دو ہفتے جاری رہنے کے بعد چار اکتوبر کو ختم ہو گئے ہیں۔ کھیلوں میں نوجوان کھلاڑیوں اور ایتھلٹس نے ریکارڈ توڑ کاکردگی کا مظاہرہ کیا۔

 ایشین گیمز کی ویب سائٹ پر درج نتائج کے مطابق چین سب سے زیادہ میڈل جیت کر پہلے نمبر پر رہا۔ چین نے مجموعی طور پر 341 میڈل جیتے جن میں سونے کے 169، چاندی کے 89 اور کانسی کے 83 میڈل شامل ہیں۔

تیراکی میں تہلکہ مچانے والی چین کی محض 13 سالہ یو زدی نے تین طلائی تمغے جیت کر پول میں میلہ لوٹ لیا، اور یہ سب گیمز کے ریکارڈ وقت میں حاصل کیے۔ 

17000 سے زائد کھلاڑی اور آفیشلز، جو اولمپکس سے بھی بڑی تعداد ہے، براعظم کے کھیلوں کے سب سے شاندار میلے کے لیے ناگویا اور آئیچی پریفیکچر پہنچے۔

میڈل حاصل کرنے والوں میں جاپان کا دوسرا نمبر ہے۔ اس نے کل 269 تمغے حاصل کیے جن میں سونے کے 83، چاندی کے 95 اور کانسی کے 91 میڈل شام ہیں۔ 

تیسرے نمبر پر جنوبی کوریا نے سب سے زیادہ 150 میڈل حاصل کیے۔ اس نے سونے کے 39، چاندی کے 43 اور کانسی کے 168 میڈل جیتے۔