ریاض میں تیز ہواؤں اور گرج چمک کے ساتھ موسمِ سرما کی پہلی بارش

ریاض سمیت سعودی عرب کے مختلف علاقوں میں  تیز ہواؤں اور گرج چمک کے ساتھ موسلادھار بارش ہوئی ہے جس کے بعد موسم سرد اور خوشگوار ہو گیا ہے۔

منگل کی شام ریاض کے علاوہ ملحقہ علاقوں میں بھی بارش خوب جم کر برسی جس کے باعث صحرائی اور نشیبی علاقے زیرِ آب آگئے۔ 

بارش سے شہریوں اور مقامی آبادی میں خوشی کی لہر دوڑ گئی جبکہ موسم کے حسین مناظر نے شہریوں کو محظوظ کیا۔

سعودی محکمۂ موسمیات کے مطابق آئندہ 24 گھنٹوں کے دوران موسم غیر یقینی رہنے کا امکان ہے اور مملکت کے مختلف علاقوں میں کہیں تیز تو کہیں ہلکی بارش ہو سکتی ہے۔ 

محکمۂ موسمیات نے شہریوں اور غیر ملکی شہریوں کو احتیاطی تدابیر اختیار کرنے اور غیر ضروری سفر سے گریز کرنے کی ہدایت کی ہے۔