کاش مری جبین شوق سجدوں سے سرفراز ہو
Kash Mri Jbin Shoq Sajdon se Srfraz Ho
کاش مری جبین شوق سجدوں سے سرفراز ہو
یار کی خاک آستاں تاج سر نیاز ہو
ہم کو بھی پائمال کر عمر تری دراز ہو
مست خرام ناز ادھر مشق خرام ناز ہو
چشم حقیقت آشنا دیکھے جو حسن کی کتاب
دفتر صد حدیث راز ہر ورق مجاز ہو
سامنے روئے یار ہو سجدے میں ہو سر نیاز
یوں ہی حریم ناز میں آٹھوں پہر نماز ہو
اس کے حریم ناز میں عقل و خرد کو دخل کیا
جس کی گلی کی خاک کا ذرہ جہان راز ہو
تیری گلی میں پا کے جا جائے کہاں ترا گدا
کیوں نہ وہ بے نیاز ہو تجھ سے جسے نیاز ہو
بیدمؔ خستہ ہجر میں بن گئی جان زار پر
جس نے دیا ہے درد دل کاش وہ چارہ ساز ہو
Kash mri jbin Shoq Sajdon se srfraz ho
Yaar ki khaak aastan taj sar niaz ho
Hum ko bhi paئmal kar Umr tri daraz ho
Mast khram naz idhar mashq khram naz ho
Chashm haqiqat ashna dikhey jo hsn ki kitab
Daftar sad hadees raaz Har orq Majaz ho
Saamne roئey Yaar ho Sajde mein ho sar niaz
Yun hi hrim naz mein aathon Pahar namaz ho
Is ke hrim naz mein aql-o-khirad ko dkhl kiya
Jis ki gali ki khaak ka zarra jahan raaz ho
Teri gali mein paa ke ja jaئey kahan tra Gada
Kyun na woh be niaz ho tujh se jsey niaz ho
Bidm khasta hijr mein ban gئi jaan Zar par
Jis Ne diya hai dard Dil kash woh Chara Saaz ho
بیدم شاہ وارثی
سید ضامن علی المعروف حضرت بیدمؔ شاہ وارثی (1876ء – 24 نومبر 1936ء) برصغیر پاک و ہند کے سب سے مقبول، قادر الکلام اور مسحور کن نعت گو، منقبت نگار اور صوفی شاعر مانے جاتے...