طیبہ سارے جگ توں جدا سوھنیا
طیبہ وچ مینوں وی وسا سوھنیا
نور دیاں جتھے برساتاں ہوندیاں
سب راتاں جتھے شب راتاں ہوندیاں
مینوں اوس در تے بلا سوھنیا
طیبہ وچ مینوں وی وسا سوھنیا
طیبہ جیہا بلد وسایا کوئی ناں
پاندا ایتھے جھاتیاں خدا سوھنیا
طیبہ وچ مینوں وی وسا سوھنیا
عشقے دی ہونِدیاں جدا رسماں
طیبہ دیاں کھاندا اے خدا قسماں
عشق وچ ہر شے روا سوھنیا
طیبہ وچ مینوں وی وسا سوھنیا
رحمتاں لٹاندا رج رب رحمان
سارا جگ تیرا اے گدا سوھنیا
طیبہ وچ مینوں وی وسا سوھنیا
تک کے نظارے دل رجدا نیئیں
اکھاں وچ ہور کج جچدا نیئیں
طیبہ سارے جگ توں سِوا سوھنیا
طیبہ وچ مینوں وی وسا سوھنیا
میریاں نصیباں وچ ہن لکھ دے
ٹھنڈی مٹھی طیبہ دی ہوا سوھنیا
طیبہ وچ مینوں وی وسا سوھنیا
خورے کدوں رک جان آندے جاندے ساہ
زندگی ادھاری نیئیں پل دا وساہ
میرے اتے کرم کما سوھنیا
طیبہ وچ مینوں وی وسا سوھنیا
کالی کالی کملی وچ آقا مینوں کج
رب دے عذاب توں بچا سوھنیا
طیبہ وچ مینوں وی وسا سوھنیا
جنڈری اَولّڑا اے روگ لا لیا
گل وچ طیبہ دا اے جوگ پا لیا
دید تیری میری اے دوا سوھنیا
طیبہ وچ مینوں وی وسا سوھنیا