سوھنیاں نیں آقا تیرے روضے دیاں جالیاں
عاشقاں نیں چم چم سینے نال لا لیاں
گزرے نہ پل تیرے شہر بن سوھنیاں
شاناں تیرے شہر دیاں اکھاں وچ وسالیاں
سن سن ہاواں تسی پھیرا کدی پاؤ گے
اکھاں دیاں بتیاں میں کدوں دیاں بالیاں
اُنج تے مدینہ سارا جگ نالوں پیارا اے
روضے دیاں رونقاں انوکھیاں نرالیاں
خاصاں دیاں گلاں عاماں اگے نیئیں کیتیاں
راز دیاں گلاں اساں دل وچ چھپا لیاں
ھن کسے چیز دی ناں تھوڑ اے ناں لوڑ اے
رج رج عرضاں نیں آقا نوں سنالیاں
پیراں دا نشان لگے دھرتی دے اُتےناں
طیبہ دی زمین اُتے اکھیاں وچھالیاں