صدائیں درودوں کی آتی رہیں گی
میرا سن کے دل شاد ہوتا رہے گا
خدا رکھے آباد اہل نظر کو
محمد ﷺ کا میلاد ہوتا رہے گا
محمدﷺ دیا حق نے اسم گرامی
ہمیں جان سے پیارا ہے یہ نام نامی
وسیلہء رومی وظیفہء جامی
یہی نام ہے یاد ہوتا رہے گا
سکون دل و جاں خیال نبیﷺہے
نگاہوں کا مرکز جمال نبیﷺ ہے
نگاہوں کا مرکز جمال نبیﷺ ہے
جسے آرزوئے وصال نبیﷺ ہے
رنج و غم سے آزاد ہوتا رہے گا
گدا ہے جو شاہ امم ﷺکی گلی کا
اسے کوئی طعنہ نہ دے مفلسی کا
وہ اجڑا نہیں ہے کرم ہے سخیﷺ کا
حقیقت میں آباد ہوتا رہے گا